الحب الذي يجرحك جرح عميق
,ويوثر فيك تأثير قوي ,
هو ذلك الحب الذي لن تنساه ..
ليس لأنه كان السبب في جرحك ولكن
لأنك لو لم تكن تحبه إلي هذه الدرجة لما جرحك كل هذا الجرح
إظاهر تعودت علي أني أخلي دموعكم تنزل علي خدكم
ونتوا بتابعوا معايا موضوع من موضوعات الحب وعن ذكريات الحب ..
وبقلب عليكم الذكريات اللي فاتت .بس والله انا مقصدش التعمد دة
ولا أقصد أجرحكم أوي كدة أو أضايقكم بحاجات انتوا نسيتوها أو
بتحاولوا متفتكروهاش ..كل اللي انا بقصده أني ألحق ناس ممكن هتتعرض للمواقف دي ,او تقع في خطأ من أخطاء الوقوع في الحب
,ودة من خلال انهم يتعلموا من أخطاء غيرهم قبل كدة ,
عشان أحميهم من حاجة اسمها عذاب القلب ,عذاب الضمير ,
وعذاب الحب .موضوعنا نهاردة زي م انتوا سامعين هيرجع
لينا ماضي كنا بنحاول ننساه ,أو أعتقدنا اننا نسيناه ,
موضوعنا هيخلي ناس نسيت فعلا أنها ترجع تفتكر من تاني ..
ترجع تقعد وايديها علي خدها وتسترجع ذكريات انتهت وعديت
,تاخد جنب وتشغل أغنية بقالها كتيييييير اوي مسمعتهاش ,
وتفتكر ذكرياتها مع انسانأو مع انسانه كانت كل حياتهم زمان .
أنا بسأل كل انسان مر بتجربة حب ودي كانت أول علاقة حب
في حياته وقوله أنت لسه فاكر أول حب في حياتك ؟
لسه فاكرة أنتي كمان ؟وليه لسه فاكره لحد دلوقت ؟
ليه مأثر فيك لحد نهاردة ؟وياتري أول حب هو أخر حب ولأ لأ؟
ليه رغم أنك مرتبط بأنسانة تكاد تكون أحسن من اللي فاتت ولسه برضو فاكرها ؟
وليه رغم أنك مرتبطة بشخص بيحبك أوي وبيتمني تراب رجليكي ومع ذلك لسه فاكراه
علي أنه أول حب ف حياتك ؟ ياتري أحنا بنشتاق لسه لأول حب مهما كان حصل فيه ولأ .....
هناك أسئلة كتيرة جدا لو قعدت أحصرها من هنا لبكرة ف الموضوع دة مش هتخلص ,
هحتاج مجلدات فيها .. بس أنا يكفيني نهاردة أنكم تجاوبوني علي الأسئلة دي دلوقتي ..
بس ياريت تجاوبوني ميزة أول حب حاجتين مهمين جدا ,اولا انه أول حب في حياتنا كلها ,
اول دقة قلب تدق لحد ,اول أحساس جميل تحسه ناحية شخص ,
اول كلمة حب أقولها لبني أدم ,مشاعر عمري ماحسيتها ناحية حد
معين قبل كدة ,مختلفة عن مشاعري ناحية أمي وابويا وأخواتي ,
مشاعر تحسها بس مع ولد وبنت ,راجل وست مش مع حد تاني .ربنا زرع فينا الاحساس دة اللي اسمه الحب ,كان قصده اننا نكمل بعضنا نحس اننا محتاجين لبعض اووي ,منستغناش عن بعض ,لا يخلينا ملهوفين علي بعض
,بالظبط عامل زي الروح والجسد عمرهم ما يقدروا يستغنوا عن بعض والوحيد اللي بيفرقهم .الوحيد
هو الموت .الحب اللي زرعهربنا جوانا عامل زي الهوا تحت المية مينفعش تعيش من غيره ,
هو دة الحب عشان كدة أول حب في حياتنا هي أول نفس يتنفسه طفل أول مايخرج من بطن أمه أول لقمة ناكلها بعهد صيام طويييييييييل أول قطفة أخدها من بستان ورد أنا زرعته وسهرت عليه كتير اووي .ميزة تانية ف الحب أنو حب لسه بخيره لسه طالع من قلبي ومفيش حاجة طلعت قبليه ,حب بيكون علي طبيعته لسه أخضر ,طري ,نبته صغننه لسه مولودة , غالبا بيكون حب مليان حب ,مشاعر ,احساسيس طالعه بلا حدود ولا قيود ..ياجماعة دة أول انسان أحبه ف دنيا ,وقتها مكنتش أعرف شكله ايه ولا عامل ازاي ولا بيحبه ازاي ؟ بيبقي لسه احساس جديد اووي ,عشان كل دة الناس اللي بتفشل ف أول حب بتدمر بعد كدة ومبتقدرش تحب تاني ,عارفين ليه ؟ لانهم بيبقوا طلعوا كل اللي جواهم ف مرة واحدة , خرجوا كل مشاعرهم ف مرة دي ,ف معادش فيه مشاعر تانية اديها لحد , مش صح اللي انا بقوله ولا لأ عشان كل دة الواحد مهما شاف من الحب دة مش بينساه ولا بيقدر ينساه