كان الوقت متأخرا جدا ,وكان لديه عمل في الصباح لكنه لم يستطتع أن ينام قبل أن يكلمه ويطمئن عليها ,كان التليفون يرن إلي نهايته ثم يفصل ,يعاود الأتصال ...لكن جرس ولا أحد يرد ..ثم أخيرا ردت عليه هي- ألو ؟هو – ألو ؟ أزيك أنتي فين كان من نبرة صوته يبدو متلهفا عليها بشدة وتصور أنها كانت مريضة ولا تريد أن تخبره هي- انا موجودة هو – طب مش بتردي ع التليفون ليه انا بحاول اتصل من بدري ..انتي زعلانة مني؟!!هي- لأ مش زعلانة بس ...؟؟؟هو- بس ايه طيب؟هي- أحنا محتاجين نبعد عن بعض شوية ...عشان نوحش بعض ,أحنا تقريبا بنتقابل كل يوم كل يوم ,وطول اليوم بتكلمني ف تليفون تطمن عليا ..انا مش عارفة ..مبتلحقش توحشني هو- يعني ايه كلام دة؟هي-يعني غير طريقتك معايا شوية ..مش كل يوم كل يوم .أحنا محتاجين نوحش بعض أكتر ,كدة هنزهق من بعض.هو- بس انتي عارفه ان دي طريقتي ونا مش هقدر أغيرها ,وكمان انتي بتوحشيني علي طوول ,ولما أعوز أشوفك في أي وقت أشوفك ولما أحب اتصل بيكي اطمن عليكي أتصلهي-مهي دي مش طريقة ..مش قادرة ع الاسلوب دة مش متعودة ..انا محتاجة أخرج لوحدي من غير ما حس انك عامل عليا رقابة ,انت بتقلي أعمل دة ومتعمليش دة ,البسي دة ومتلبسيش دة ,انا محتاجة اتحرك بحريتي أكتر بعيد عنك ,مش أعتمد عليك ف كل حاجة ,عاوزة أخرج علي راحتي وأدخل من غير ماحس أنك واقفلي ع باب بتحاسبني ,وكمان كلامنا كل يوم دة مش حلو ,ماما ابتديت تضايق منه وخصوصا اننا مش مرتبطين رسمي لسههو- منا قولتلك أتقدم انتي اللي قلتي محتاجة نعرف بعض أكتر .!!!هي- فعلا احنا محتاجين نعرف بعض اكتر عشان كدة احنا لازم نبعد عن بعض شويه ونشوف هنوحش بعض ولأ لأ..هو- انتي شايفا كدة؟؟هي- اههو- أوكي براحتك ..سلام بس انا كدة ومش هقدر اتغير عن كدةثم يغلق الخط وظل طول الليل يفكر في كل الكلام اللي هي قالته ....وتاني يوم راح الشغل وأتصل بيا وقالي أنا عاوزك في موضوع ,قلتله : خير في أيه؟هو : أنت مش قاضي الحب وبتحل مشاكل الحب ,انا عاوزك تساعدني ف مشلكتي قلت : اتفضل أحكي ونا سمعك فضل يحكي تفاصيل المكالمة اللي حصلت امبارح مع حبيبته واللي أنتوا سمعتوها دلوقتي معايا وبعدين قاليهو : أنا عارف اني بخنق عليها كتيرر ,انا مشكلتي أني بحبها أوووي قلت : هي بقت مشكله أنك بتحبها أوووي؟؟هو : أة مشكله ع الأقل بالنسبالي ,انا بغير عليها جدا ,انا اول ماعرفتها ,هي كانت جارتي وسكنة جانبي وأول مشوفتها حبتها أووي ,وعشان أنا انسان دوغري روحت كلمتها وقلتلها انا معجب بيكي وعاوز أتقدملك بس انا لسه ف بداية شغلي ومحتاج كام شهر كدة عبال ماستقر ,هي لسه ف الجامعه ونت عارف بنات الجامعه بيلبسوا ازاي وبيعملوا ايه ,بس هي محترمة أووي ,لكن المشكله كانت ف لبسها ,كانت بتقولي البنات كلها بتلبس كدة " قصده علي البادي والجينز الضيق " بس انا فضلت وراها لحد لما خلتها تتحجب وبقت تلبس جيب واسع والحاجات دي ,قلت : هه وبعدين؟؟هو : انا شوية بهتم بيها كتير وبحب أشوفها دايما ,اوديها كليه صبح وأعدي اخدها اخر نهار ونتكلم طول الليل ,أو أكلمها من الشغل طول اليوم أعرف هي بتعمل ايه ,ف أول كانت بتحب دة أوي مني اني مهتم بيها اووي كدة رغم هي مكانتش بتعمل زيي ,كنت انا دايما اللي بقولها وحشتيني وهي تقولي ونا كمان ,اقولها بحبك تقوم تقولي ونا كمان ,كنت بتمني هي تقولهالي ,,هي كانت بتقولها بس كل فين وفين يمكن لما تحس اني واخد علي خاطري منها ف حاجة ,ورغم انها كانت مبسوطة بحبي دة ليها جت يعد شويه كنت بحس انها متغيرة ,مش عاوزة أتصل مش عاوزة تشوفني .لحد أمبارح بس لما جت وقالتلي كلام دة وأننا لازم ننوحش بعض أكتر من كدة ف لازم نشوف لما نبعد عن بعض هنوحش بعض ولأ لا؟ممكن تقولي هي قصدها ايه من كلام دة يا قاضي الغرام؟قلت : بص هو فيه احتمالين ؟ وفيه مشكله فيك ومشكله فيها الاحتمال الأول أنها فعلا تكون بتحبك وعاوزة تبقي ع الحب دة لأنها شايفاناس كتير بتحب بعض بجنون وبيقابلوا بعض كل يوم وبيخرجوا علي طوول وبعد شوية الحب دة بيفتر أو بيقل لأنهم بيكونوا زهقوا من بعض ,ودة طبيعي بيحصل لأنك لو فضلت تاكل تفاح علي طول هتزهق منه ,لازم يبقي فيه تغير ولازم يبقي فيه مساحة وقت وناخد كل حاجة بالراحة مش بالسرعة والاستعجال دة اللي بيبوز أي علاقة حب .ف هي لو بتفكر كدة يبقي عندها حق !هو- طب وايه الاحتمال التاني؟قلت – الاحتمال التاني أنها مش بتحبك أو عاوزة تختبر مشاعرها هي ناحيتك أنت عامل عليها ضغط استرس كتيير مش مديها فرصة انها تحبك او تقولك دة أنت بتعمل كل حاجة بالنيابة عنك وعنها ,ف هي قلقانة ومترددة لا يكون دة مش حب ,مجرد تعود لكن مع الوقت يظهر انه مش حب ف عشان كدة هي محتاجة فيه وقت تفكر ,ف الموضوع دة عملاه ليها هي مش ليك انت وهي ,فهمني هو – ازاي؟قلت : اقولك في نوعيه من البنات لما يتحطوا تحت ضغط انا بحبك انا بحبك انا بحبك بيقلقوا وبيتلخبطوا وبيحسوا انهم محطوطين تحت ضغط عصبي كبير وددة بيتعبهم ف بيضطروا انهم يأما يتنازلوا عن الحب دة خالص ويقولوا احنا مش عاوزينه يأما يقللوه زي ماهي عملت , لو هي عاوزة وقت تفكر فيه وتشوف اذا كنت هتوحشها ولا لأ أو بتحبك ولأ لا؟ سبها اديها الفرصة دي دة حقها أنها تتأكد من مشاعرها ناحيتك .لكن ؟؟؟؟؟هو – لكن ايه أرجوك؟قلت : لكن انا خايف لا تكون هي زهقت فعلا وعاوزة تخرج من حياتك بهدوء ومن غير ما تعمل معاك مشكله أو تجرحك ,ف هي قالت تبعد شوية لحد لما انت تتعود والموضوع بنكم يكون أهدا من كدة ف تبعد خالص بعد كدة ,,يعني تمهيد للبعد النهائي فاهم قصدي؟بس دي بيعملها اغلب الشبان للبنات اللي عاوزين يخلعوا منهم بالبلدي يعني ,,ان هو يقولها محتاجين نبعد عن بعض شويه نوحش بعض وبعدين يختفي من حياتها ومتشفوهوش تاني وتفضل مستنياه علي أمل انوا يرجع لكن مبيرجعش .هو بيكون خلع منها بعد ما هرب من موجهتها ويسبها بقا تفسر اللي عاوزة تفسره .ونا خايف لا تكون بتعمل كدة هو- طب وايه الحل؟قلت : الحل انك تنفذ لها رغبتها وتسبها هي تتصرف بحريتها اللي هي عايزاها زي ماهي عايزةهو – طب وبعدين ؟قلت : وبعدين شوفها هتبعد قد ايه وهترجع ولا لأ؟هو – طب انا غلطت ف حاجة ؟قلت : انا قلتلك انك فيك مشكله وهي كمان فيها مشكله؟هو – ايه هي ؟قلت : أنت مشاعرك أوفر أووي زيادة أووي عن الحد الطبيعي لو هي مزهقتش أنت أكيد هتزهق ,وزع مشاعرك علي قد العلاقة اللي بنكم ,بلاش الحب الزيادة دة والاهتمام الزيادة دة والمكالمات الكتيرة أوي دي ,كل دة بيضر الحب مش بيفيد صدقني ؟هو – ازاي ؟قلت : عٌود نفسك أنك تخف شويه اللي أنت فيه انتوا مرتبطين بس يعني لا مخطوبين ولا متجوزين ,امال هتعمل ايه بعد الجواز أذا كنت قلت كل حاجة وعملت كل حاجة قبل الجواز ,بص المثل بيقول لكل مقام مقال ,يعني انت دلوقتي بتتعرف عليها وتتعرف عليك خليكوا علي كدة لحد لما تتخطبوا زود مشاعرك شوية بشوية وف الجواز حبها زي م انت عايز ,عشان ع الأقل يا اخي تلاقي حاجة تقولها بعد الجواز أو تلاقي مشاعرك تدهالها ولا انا كلامي غلط ؟الترشيد مطلوب حتي ف الحب يا صحبي :Dاما مشكلتها هي انا خايف بس لاتكون غيرت من تصرفاتها وطريقة لبسها عشان خاطرك انت مش عشان هي مقتنعه ؟ يعني ايه تقولك انا عاوز اخرج علي حريتي انت مقيدني ,عاوزة انا اللي أقرر اعمل ايه ومعملش ايه ؟ عاوزة تلبس وتخرج دة معناه ايه كلام دة؟؟؟علي كدة بقا لو أنت مش موجود هتعمل عكس ما نت تكون موجود ؟ ولازم تقتنع كمان انك انت مش اللي بتؤمرها بدة ,دة ربنا وعاداتنا وتقاليدنا ودينا اللي بيقول كدة ؟ ومش معني كل بنات بتعمل دة ان باقيين يعملوه دي نظرية غلطزي مابقولك سبها تتصرف علي حريتها تماما ,اعتبر نفسك انك مش موجود في حياتها وشوفها هتتصرف ازاي ؟ لو اتصرفت صح هتتأكد انها بنت كويسة ولو رجعت زي ماكانت يبقي انصحك تبعد عنها لانها متنفعكش وثانيا انت محتاج انت كمان تتأكد من مشاعرها ناحيتك ,دة حقك يأخي حبك ليها لوحده مش كفاية ,لازم يكون حبها هو كمان موجود ,دي مركب والمركب عمرها ما تتحرك بدراع واحد هتلف حوالين نفسها ومش هتتحرك خطوة وحدة وبالعكس ممكن تغرق .صح ولا انا غلطان؟بس انصحك بحاجة لو هي قدرت انها تبعد عنك يوم واحد اعرف انك مش كل حاجة في حياتها وانها تقدر تستغني عنك في أي وقت ,,وكل يوم يعدي وهي مش بتتصل بيك أنت لازم حبك ليها يقل ومشاعرك ناحيتها تبرد ..ولو مدة طولت ومرجعتش يبقي متندمش علي حبك لأنها بكدة متستهلوش وأحمد ربنا أنك عرفتها دلوقتي مش بعدين ,,لكن لو مدة طالت ورجعت بعد كدة أنت قولها انا أسف ..أنتي حبك في قلبي أنتهي ,ومش هقدر أرجع ولا أقبل برجوعك ..أسف انا مش هقبل