دقت الساعة 2 بالليل
..جالي تليفون ..
رديت -ألو ...؟
هي - ألو...؟ أستاذ عادل
؟-أيوة انا مين معايا ؟!!
هي - إزاي حضرتك ؟
-أنا الحمدلله كويس ممكن أعرف مين بتكلمني ؟!
هي - أنا واحدة مشتركة مع حضرتك في برنامج بتاعك وكان عندي مشكله ..ممكن حضرتك تساعدني فيها ؟
-ياريت أتفضلي؟
هي - أنا أأ بحب واحد ...بس الواحد دة مرتبط ..خاطب يعني ..بس هو مبيبحبهاش هما ارتباطهم عادي يعني ..هماقرايب ..بس هو مش سعيد معاها.
-طب مدام هو مش سعيد معاها مرتبط بيها ليه ؟ مايسيبوا بعضهي
- لأ مهو مينفعش ..لأنهم من عيلة واحدة ..هما قرايب أوي ..قصدي
-أة أة فهمك كملي .
هي – هو خايف انه يحصل مشاكل مابين أهله وأهلها والصلة تنقطع مابنهم وخصوصا أنهم مرتبطين بقاله فترة كذا سنة تقريبا ..ومن زمان وهما متربين مع بعض وبيقولوا أحمد لشرين وشرين لأحمد وهو عشان مش بيحب والده ووالدته وافق ع الخطوبة ..هو ف الأول كان متصور ان مع الوقت والعشرة ممكن يحبها لكن حصل غير كدة ..حس انهم مختلفين ف حاجات كتير ..حاول كتير أنه يحبها بس مقدرش وكدة يعني .
-طيب وهو بيحبك أنتي ؟
هي – أنا؟ ..لأ ..معرفش ..جايز .. لا مش عارفه بجد -جايز ولا مش عارفه ولا مش بيحبك خالص وانتي بيتهيألك ؟هي – بجد مش عارفه ..أنا مصارحتوش وهو كمان متكلمش معايا ف حاجة زي دي
-طب وانتوا علاقتكوا ايه ببعض ..تعرفيه منين يعني ؟
هي – بصراحة أنا قابلته عن طريق خطيبته ..أصلي أنا صحبتها
-صحبتها؟ ........!!!!!!!
هي – بس بجد والله مش قصدي أني أخونها أو أسرق منها حبيبها ..هما اللي دخلوني في مشاكل بنهم قصدي هو الليدخلني ونا بحكم أني انا صحبتها أوي وكنت بزورها كتير ف بيت حضرت كل مشاكلها مع أحمد وكمان هو كان بيتصل بيا يخليني أحل مشاكل مابنهم وكنت بحاول أوفق ما بنهم كتير وهو وكان بيقعد معايا يشتكيلي من عميالها معاه ونها مش حسة بيه ,ونه عاوز أنها تحسسه انها بتحبه وأنوا خاطب ,وهي مش عايزة تديله الأحساس دة
-هي مش عايزة ولا مش قادرة؟
هي– معرفش جايز تكون مش قادرة بس هي مش بتحس ناحيته بس تقولي أنه كويس ومتربين مع بعض وقريبها واهلها موافقين عليه ..
-ومشاكل ايه بقا اللي بتقابلهم ؟
هي - هي طبعها نشف شوية حاد ..مدبة يعني ف كلامها مش بتهتم بيه أكل مأكلش رجع مشغل مرجعش زارهم مزارهمش وكدة يعني وكمان هي مش بتحب تكلم معاه كتير لا ف تليفون ولا ف عادي وهو بطبعته بيسافر كتير وعاوز يحس أنه في حد مهتم بيه
-وطبعا انتي عوضتيله الأحساس دة ؟
هي – يعني انا هي كانت بتخليني انا اكلمه تقوله انها كويسة هي معهاش موبايل أصلا ومش بتحب تشيله ف كان بيكلمني أنا عشان يسأل علي أخبارها ..
-هي بتحبه طيب بما أنك صحبتها أكيد عارفه مشاعرها ناحيته
هي - هي بتحبه بس مش حب حب ..العادي يعني خطيبها وهيتجوزها وقريبها كمان
-يعني مش ما بنهم أي مشاعر عاطفية مجرد مشاعر قرابة وبس
هي - حاجة زي كدة
-طيب وهو حاسس بأيه من ناحيتها دلوقتي؟
هي - هو مبقاش طايق بصراحة وبقا يقفش عليها كتير ومشاكل مابنهم بقت كتير وكتير وحاول انه يسيبها كذا مرة بس اهله واهلها أدخله ومامته تعبت ف استمر ف الخطوبة ؟
-ونتي حبتيه ليه ؟
هي - انا حبيبته لأني حسيت بجد انه محتاج للحب ..هو انسان كويس وملتزم تجاه أهله وبيته ..وبينا حاجات كتير مشتركه ..دة حتي كان بيقولي ان أفكارنا تقريبا واحدة ..زي بعض ف حاجات كتير ..لدرجة انه مرة قال كنت اتمني أني أكون أنا مكان خطيبته ..بس قالها وهو بيضحك كأنها هزار يعني
-ونتي كان رد فعلك ايه ناحيه الكلمة اللي قالها دي
هي - انا من جوايا كنت سعيدة أوي وساعتها حسيت اني انا بحبه وبجد مبقتش قادرة استغني عنه ..وكتير كنت بقعد لوحدي وعيط الاقيه بيتصل بيا ويطمن عليا ولما يسألني مالي أقوله مفيش وسكت أو أحاول اتوه الكلام ..انا بجد مبقتش عارفا اعمل ايه ؟ انا محتارة اوي ..خايفه علي مشاعر صحبتي وف نفس الوقت معرفش أذا كان أحمد حاسس بيا ولأ لأ ...انا مش عارفا اعمل ايه بجد ؟ بجد مش عارفه..... أرجوك قولي أنا اللي حساه دة غلط ..والحب دة مستحيل أنه يكون حب ؟؟؟؟؟؟؟؟؟؟؟(وتنهار في البكاء)(وتنتهي مكالمه ) أنا قبل ماجاوبها علس سؤالها أسألكم أنتم ..هو من حقي أني أحب حد مرتبط ..خاطب أو أكتر من خاطب ؟ حتي ولو كان الشخص دة بيبادلني نفس المشاعر ..وحتي ولو كان فيه مشاكل بينه وبين الانسانه اللي مرتبط بيها ؟ هو من حقك أنك تحبه حتي ولو كان مبيحبش الطرف الثالث اللي ف موضوع واللي جايز معندوش فكرة عن الحاجة دي ..؟وهل الحب دة يعتبر خيانه مابين الاتنين اللي بيحبوا بعض وفيه واحد فيهم مرتبط بشخص تاني ؟ دي تعتبر خيانه ليه ؟ وهل الحب دة ف نظركم حب ممكن يستمر ولا هو حب من النوع الحب المستحيل اللي اتكلمنا عنه قبل كدة ؟ وياتري أنت لو أنتي ف الموقف دة تعملوا أيه ؟ وتردوا عليها تقولوا أيه ؟
قاضي الغرام