جلس ينتظرها كعادته في مكانه المعهود ,
كان يمسك في يده وردة حمراء وحيدة ,كي يعطيها لحبيبته عندما تأتي اليه في موعدها .
كان سعيدا ..كل مرة كان بيستناها فيها كان بيبقي في غاية السعادة .مليان أمل ,وتفائل
,احساسه انه مش وحيد وأن فيه حد جنبه بيخليه يطمن ,يشعر بالأمان ويحش ان لسه في أمل في بكرة .
قبل أن تأتي هي اليه كان يجلس ويتحدث الي نفسه يااااااه قد ايه الحياة دي حلوة ... انا سعيد اوي نهاردة ..
تيجي بس ونا أقولها علي أحلي خبر ...
أخيرا هبدأ مشوار حياتنا اللي احنا حلمنا بيه وأبني مستقبلي وأقف علي رجلي يتنهد جااااامد اووي
يخرج من جيبه عقد شركة بينه وبين صديق ليه صبرت كتير اوي
عبال ما وصلت للي انا فيه دة بعد لخبطة وعدم استقرار ومفيش شغل ..
بس الحمدلله ربنا بس يكرمني بالخطوة ينظر في ساعته ...هي اتأخرت كدة ليه ؟
لا لا هي متأخرتش ..انا بس م الفرحة جيت بدري نفسي اشوف نظرة عنيها
وهي بتقرا العقد يضحك انا عارفها هي عشرة يوم احنا مع بعض بقالنا 5 سنين ...يشم الوردة
اثناء هذه اللحظة تظهر حبيبته ..ولكن مش زي كل مرة فرحانة وبتضحك وبتبقي ملهوفه عليه وهي جاية
....المرة دي مختلفة ..زعلانه ,مضايقة أو فيها حاجة عيناها مليانة دموع وكأنها سماء
تريد أن تمطر قلبها يكاد يسمعه الناس ف الشارعوهو يلتفت بالصدفة دون قصد يشوفها واقفا نحيته
..يبتسم ..يقوم يقف وكأن الدنيا مش سيعاه .يقترب منها .تقترب منه كان يريد أن يحضنها بيده حضنا
عميقا وكأنه مشفهاش من سنين فاتت ..
لكن خوفه عليها دوما من نظرة الناس ليها كانت بتمنعه "هذا هو الحب "ولكنها كانت عيناها
وعيناه يحضنان بعضيهما بشوق ولهفة ..لاحظ عليها انها متغيرة يقول في نفسهمش هي دي .........
اللي يعرفها من سنين وزي ما بيحس بيها دايما
من غير ما تقول سألها : - مالك ؟في ايه ؟
بصت ف أرض ومتكلمتش
زاد قلقه عليها أكتر مالك ؟ حاجة حصلت؟نزلت دمعه من عنيها ببطء شديد أوي مسك وشها وخلاص تبصله ليه دموع دي؟حبيبي مالك ؟ قلقتيني بجداستجمعت شجاعتها
وهي يتقولقالتله كلمة واحده بس – جالي حد يخطبني وأهلي موافقين عليه
نزل الخبر عليه كالصدمة وحس ان احلامه انهارت وفرحته راحتاختفت بصوت حزين مصدوم
....ونتي ايه رأيك؟قالت أنت ايه رأيك ؟ اقبل ولا أرفض ؟
فضل ساكت ومعرفش يرد يقول ايه ؟؟هي تنظر اليه وهو ينظر الي السماءوعيناهما وكأنها سماء
تريد أن تمطر رعداُ ..أحيانا تجد نفسك مضطر لأن تتخلي عن ما تحب ومن تحب ,
تجد نفسك مضطر لأن تطلق سراح قلب عشقك وعشقته ,تتركه لغيرك يستمتع به ,
يكون لزاما عليك أن تتنازل بمحض أرادتك عن شيء هو لك ,
أحيانا تلاقي ان التضحية بحبط هي أختيارك الوحيد لأن تسعد حبيبك .
الحب لا أن تفكر في نفسك فقط وفي سعادتك فقط ,بوجوده معاك ولكن الحب هو
أن تفكر أولا في سعادته هو حتي ولو كانت سعادته مع شخص آخر .
جايز يكون وجوده معاك عذاب لك وألم له ,وجايز يكون أحتفاظك بيه جنبك مضر وغير مفيد ,
وبعد فترة من الوقت الحب دة هيدوب ويدبل ويفضل الجرح والعذاب .
لديك عصفور جميل في قفص ذهبي تحتفظ به في شرفة بيتك ,كل يوم تصحو من نومك تقبل هذا العصفور
,تطعمه ,تشربه,تتأمل جماله وجمال ألوانه وصوته الحلو وشكله الجميل .
مما يجعل يومك من أول لحظة فيه جميل ومشرق ,تشعر بسعادة غامرة كلما تراه صباحا ومساء ,
يعطيك الأمل في حياة أفضل ,تسمع له وتستمع له ,كل هذا جميل ولكن ألم تفكر أن هذا العصفور ربما يكون تعيسا أو سيكون تعيسا يوما ما لوجوده داخل هذا القفص الضيق ؟!!!
ربما هو مستمتع هو الأخر بوجودك معه ولكن إلي متي سوف تظل معه ؟!وإلي متي سوف يظل
مستمتعا بوجوده محبوسا في داخلك ؟!!هل تعتقد انه سيظل سعيدا إلي نهاية ؟!!أعتقد لأ ...
إذن أذا كنت تحب هذا العصفور أطلق سراحه ..أفتح له باب يخرج منه ,بكل الحب دعه يمر
ويعبر إلي طريق آخر غير الطريق التي تسير فيه ,ربما يفلت من التعاسة
التي تشعر بها الأن ربما يجد سعادة له أفضل في مكان آخر.لو جت عليك لحظة لاقيت نفسك أنك لازم تختار
ما بينك وما بين حبيبك ,مابين سعادته وتعاستك ,إيمانك أن وجوده معاك شيء صعب بل مستحيل
وأن وجوده جنبك مش هيجيب غير مشاكل ليكم ويمكن دة يكون سبب في إنهاء هذا الحب بينكم أنهي أحسن ..
تسيبوا بعض ونتوا بتحبوا بعض ؟ ولا تفضلوا مع بعض ومش ضامنين الحب دة هيستمر لأمته ؟؟!!
لو جت لحبيبك فرصه لحياة أفضل مع شخص هو أفضل منك تسيبه يشوف طريقه ؟ ولا تتمسك بيه وتقعده جنبك
وتنتظر المجهول ؟لو جتلك حبيبتك ف يوم من الأيام وقالتلك أنا جايلي عريس وأهلي موافقين عليه
وهو جاهز وفيه كل المواصفات الكويس وسألتك أوافق عليه ولأ أرفضه ؟ تقولها ايه ؟لو حملت عبأ انك تختار إذا كانت ترفض أو توافق تختار ايه ؟؟!لو رفضت هي هترفض وتستمر معاك لأجل غير مسمي .؟ ولا وافقت هتسمع كلامك
وتروح موافقة عليه ؟ تختار ايه ؟؟هيكون رأيك ايه ؟؟!موقف صعب جدا جدا ومحير جدا .
.أنت في ايدك سعادتك وف ايدك التانية تعاستك ولو فكرت في نفسك جايز أوي تتعسها
ولو فكرت ف مصلحتها هي هتتعس نفسك أنت ؟ لا بد يكون فيه حل ..بس ايه الحل ف الحالة دي الحب هو الحل ,
لو بتحبها بجد اكيد هتفكر في سعادتها حتي ولو علي حسابك أنت ,بس اللي أيده ف مية مش زي اللي أيده ف نار
وأكيد أنك تستغني عن حب حياتك شيء مؤلم جدا .....بساذا كان دة هو أختيارك وأنوا مفيش قدامك أختيار تاني
لأن قدام لسه طريق طويل أوي وأذا كنت أنت هتستحمل تنتظر في الطريق دة عشان مستقبلك هو هينتظر ليه ؟
هيستحمل معاك ليه ؟ دة طريقك أنت وهو مش مطالب أنوا يكمله معاكأيها الطائر ..
لقد فتحت لك القفصأخرج ..لقد أطلقت سراحك وتأكد أني عمري ما أحببت غيرك
قاضي الغرام