الحب زي البئر
لو فضلت تاخد منه كتيير اووي
وتاخد وبس
من غير ما تملاةبالحب ,
البير بعد شويه هيفضي
وساعتها مش هتاخد منه
غير الفراغ
قيل عن الحب ..
الحب الحقيقي :
هو أن تحب الشخص الوحيد القادر على أن يجعلك تعيسا
انا نهاردة بتكلم عن حاجة مهمة جدا في الحب
وهي لما تحب انسان حب كبير اووي وكتير اووي
ولكن عندك مشكله في الحب دة
هو انك مش بتلاقي منه نص اللي انت بتحبهوله هتعمل ايه ؟
ايه اللي انت ممكن تقرره ساعتها
لما تحس انك بتحب واللي قدامك
يأما مش بأيقدر الحب دة أو مش قادر يجاريك في الحب لأسباب
أو من غير اسباب أكتر حاجة ممكن تموت الحب ان حد ميقدرش مشاعرك
ولو بيقدرها بيقدرها بشكل بسيط اوي
ودة يخليك انت من جواك تزعل وتضايق
واحيانا تصعب عليك نفسك اوي
لانك بتلاقي نفسك طول الوقت مهتم بيه وهو لأ ,,
بتسأل عليه وهو لأ ,,
بتخاف عليه وهو لأ,,
وبتفتكر عيد ميلاده وهو لأ,,
لما متشوفوش يوم واحد تحس ان في حاجة مهمة جدا نقصاك
وتبقي زعلان اوي ومضايق أوي
وتحس انك لوحدك ونك يتيم وكأن حبيبك دة راح للأبد ,,
ولو لا قدر الله سمعت انه عيان بتبقي هتموت وتروح تزوره
ومش مهم بقا ناس تقول عليك ايه ساعتها ولكن المهم انك تطمن عليه
وتشوفه وتقعد جنبه لو دة ينفع ,,وتحب دايما تشوفه أنجح الناس .
تقف وتشجعه وتسهر علي راحته عشان يهتم بشغله أو بدراسته,
ولو وراه امتحان الصبح تلاقي نفسك بتصحيه بدري عشان يلحق الامتحان
ولا بترني عليه عشان يلحق معاد الشغل ,ومتنامش إلا ما هو ينام
ولا متصحاش إلا علي صوته ,وميجلكش نفس تاكل إلا لما تطمن
أنه كل وشرب ,ويااااااااااااااه لو لاقيته مش مهتم بأكله ,
تأكله بالعافيه ,كل التعب دة يهون في نظير كلمة حب من اللي بتحبه
,نظرة شكر ليك,لمسه حنينه علي ايدك وهو بيقولك ميرسي يا حبيبي
علي اللي انت بتعمله علشاني ,لما يقولك ربنا يقدرني أسعدك
واهنيك .لكن لما دة ميحصلش ؟ تقدر تقولي هتعمل ايه ؟
هل هتقرر تعامله زي ما هو بيعاملك ؟هل هتحاول تخليه يحبك زي م انت بتحبه ؟ولا هتسيبه؟
قاضي الغراك