غريبة هذه الدنيا
وغريب هذا الحب
,احيانا بنقول خلاص هي دي كانت النهاية؟
خلاص افترقنا..بعدنا ..
كل واحد فينا راح في طريق بعيد عن التاني,
الموضوع خلص ..انتهي . والدنيا خدتنا من بعضنا
,انا ارتبطت وفسخت أو ارتبط واتجوزت
وهي معرفش أكيد اتجوزت وبقا عندها أسرة وعيلة
المهم ان كل واحد راح ف حاله وانتهي الموضوع ..
إلا الحب كان ليه رأي تاني والقدر كان شريك ليه في هذا الرأي .
الحب فضل جوانا رغم مرور السنين واحنا مش حاسين ,
كنا فاكرين اننا نسينا ..كنا موهومين ان الحب والمشاعر والاحساسيس
بنا انتهت مع مرور الزمن وكل شيء أصبح ذكري وماضي أليم أو ماضي جميل علي حسب
كل واحد فينا ,كنا فاكرين ان قصتنا مجرد فصل واحد وانتهت ,
لكن محطناش في بالنا ان القدر يكون مخبي لينا جزء تاني
بس يا تري الجزء الجديد هيكون استكمال للجزء القديم ومكمل للجزء اللي فات
ولأ هيكون قصة جديد بشكل مختلف للعلاقة
وبدل ما نكون زي زمان اتنين بيحبوا بعض نبقا مجرد أصدقاء أو زمايل في الشغل
ونقول انوا كان حب ناس صغيرين وانتهي ؟؟أصدقائي أصدقاء جروب الحب في كل مكان
أحيانا الذكري مهما مرت عليها السنين بتفضل جوانا عالقة في أذهاننا جميعا مبننسهاش بس
مبنفتكرهاش إلا في حالة واحد لما يظهر الشريك في هذه الذكري في حياتنا ملاة أخري أو لما تحصل حاجة تفكرنا بالذكري دي من تاني مش دة بيحصل ,انا عايز افترض افتراض وعاوزكم تشاركوني فيه ,
لو افترضنا ان القدر جمعٌك مع شخص كنت علي علاقة بيه زمان ,
وبقيت أنت وهو في مكان عمل واحد ,تعمل ايه ؟ كنت بتحبه وكان بيحبك
وكان بينكم قصة حب طويلة أوي ؟ وفجأة بعد ما كل واحد منكم راح لحاله ,
ظهر في حياتك تاني وبقا زميل ف الشغل وجمعتك الظروف بيه من تاني في مكان واحد ,مكتبك قصاد مكتبه ,وشك في وشه طول اليوم ,
ياتري المشاعر القديمة اللي جوانا من ناحيته هتصحي من تاني ولا هتكون ماتت
وتكونوا نسيتوا الماضي أو حد فيكم نسي الماضي وخلاص ؟
ولا ايه اللي هيحصل بالظبط ؟ لاو افترضنا انك انت أو انتي في الموقف دة هتعمل ايه ؟
موضوع صعب
والموقف أصعب
وخصوصا مع اتنين منسيوش بعض بس قبل ما نناقش موضوعنا هعرض عليكم قصة نفس الشخص اللي حصله الموضوع دة هو اللي حكهالي وخد رأيي وهو مكانش عارف يعمل ايه وصدقوني كان قلقان وخايف ومتردد ومش عارف ايه المفروض يعمله ؟ خلينا منسبقش الأحداث وسمعوا القصة معايا ,دي قصة عبدالله صاحب القصة وبنت اسمها شرين ,عبدالله بيقول ان بيشتغل في محل ملابس كبير والاول خلوني اكلمكم عن عبدالله شويه هو شاب متعلم وفي أخر سنة ليه في جامعه ,ومثقف جدا ,بيعشق القراية الكتابة أوي ونفسه اما يتخرج يكون روائي كبير ,دايما لما تشوفه تلاقيه بيقرا في كتاب أجنبي مترجم وقصص مختلفة ,لما تتكلم معاه تحس أنوا فاهم في كل حاجة ورأيه الناس بتحترمه جدا ,مع انوا لسه صغير عنده 21 سنة بالكتير اوي ,بس فكره سابق سنه اوي ,دة بأختصار اما شرين دي كانت بنت أشتغلت في نفس المحل اللي كان فيه وكانت بنت اكبر منه سننا بحاولي 5 سنيين كانت متخرجة من فترة ,بنت طيبة وساذجة وعلي نياتها ,ومغلوب علي امرها اوي ,أتعرضت لمواقف كتير مع شباب في مجال عملها بسبب طيبتها دي والكل كان بيفهمها غلط ويحاول يستغلها ,لحد لما ظهر في حياتها عبدالله حسيت انوا شاب مختلف ,محترم ,مثقف ,كان بيكلمها عادي ويوعيها ,ويرشدها تعمل ايه ومتعملش ايه في حياتها والمفروض تعمل ايه في حياتها عشان تكون أفضل ,ف البنت مع حنيه وكلام الكويس واسلوبه اتعلقت بيه ,بس هو كان بتعامل معاها زي ما بيتعامل مع كل بنات وكل ناس ,هو ف بداية شخص ذكي وحس انها ممكن تتعلق بيه بسرعه لأنها هتحس انوا مختلف عن كل شبان الموجودين في محيط عملها او دراستها . ف توقع حاجة زي كدة وأبتدا يبعد شوية عشان هو مش عاوز يجرحها لكن البنت كانت اتعلقت بيه ,ومن خلال مسجات اللي بتبعتهالوا والاغنيات فهم عبدالله انها معجبة بيه ف قرر انوا لازم ينسحب من حياتها ويترك المحل عشان هو مبيحبهاش لكن خايف من رد فعلها وخايف يصدمها وبما أنها اول تجربة ليها ف ممكن تزعل أكتر لكن لما تيجي من ظروف ويبعدوا ممكن الموضوع ينتهي لوحدده ,وفعلا اتنقل عبدالله لمكان تاني في مول تجاري وبعد عن شيرين ,لكن فضلت شرين تطارده بحبها وتكلمه ع موبايل لدرجة انها قررت انها تعترف له بحبها وفعلا حصل واتصلت بيه واعترفت بحبها ليه وهو معرفش يقولها ايه ,؟ سكت عبدالله وقفل موضوع وابتدا يتهرب منها لأنه خايف علي مشاعرها لما يقولها انوا مبيحبهاش وانوا مينفعش لحد لما حسيت باليأس وابتدت تفهم انوا مش عايز يرتبط بيها عشان سنها أكبر منه وحمد عبدالله ربنا انها فهمت كدة ومرت شهور كتيره بينهم لحد اما جه يوم اللي جالي فيه عبدالله يستغيث بيا ويقولها إلحق شيرين راجعة تشتغل معايا تاني في محل ونا مش عارف أعمل ايه وواجها ازاي ؟؟ وكان باين عليه انوا الخوف والقلق اوي لأنو بجد مكانش عارف يقولها ايه ؟ خايف يقولها رأيه فيها لتتصدم فيه وتنجرح ,؟ دي حكاية شيرين وعبدالله أنا قلت أعرضها عليكم وأخد رأيكم فيها ونقول لعبدالله ايه عشان يتصرف مع شيرين ؟
قاضي الغرام